Tsohon duniya mai shekara 145 na neman mutuwa
Wani mutumin kasar Indonesiya da ya fi kowa
tsufa a duniya, bisa la’akari da yawan shekarunsa
da suka kai 145, ya bayyana cewa, a shirye yake
ya mutu.
A kundin bayanai da jami’an kasar Indonesiya
suka tattara, an yi nuni da cewa Mba Gotho yana
da shekara 145, kuma an haife shi a ranar 31 ga
Disambar 1870. Ya ce bai yi mamakin ganin
daukacin ’yan uwansa na haihuwa su 10 duk sun
mutu, har ma da matansa hudu, in data
karshensu ta mutu cikin shekarar 1988
daukacin ’ya’yansa duk sun mutu,. Kuma yana
zaune ne tare da jikokinsa da tattaba kunnensa
da ’ya’yan tattaba kunnen.
Matukar aka tantance hakikanin gaskiyar wannan
lamari, to tabbas ya fi kowa tsufa a duniya, tunda
yanzu kambin nisan shekaru da tsufa na hannun
wata ‘’yar kasar Faransa, mai Suna Jeanne
Calment mai shekara 122. Wannan tsoho tukuf-
tukuf ya fito daga ga Sragten da ke tsakiyar
yankin Jaba, kuma gidan talabijin na Lipitan 6 ya
tattauna das hi.
Ya ce ya dade yana raye a haka, shi yasa ba zai
damu ba, idan mutuwa ta riske shi. Bukatata
kawai in mutu, tunda daukacin jikokina suna iya
kula da kansu ne, kamar yadda ya bayyana wa
tashar talabijin ta Liputan 6 a Talatar makon jiya.
Suryanto, jikan Mbah Gotho ya ce kakansa ya
dade da shirya wa mutuwa, tun yana da shekara
122, amma har yanzu al’amarin bai auku ba.
Acewarsa: “an haka masa kabari tun a shekarar
1992, yau shekara 24 ke nan.” Baya ga haka,
Suryanto ya ce iyalan Mbah tuni suka ware masa
wurin da za a yi masa kabari kusa da kaburburan
’ya’yansa. Wani jami’in sashen tattara bayanai a
kasar Indonesiya ya tabbatar da ranar haihuwar
Mbah Gotho, kamar yadda take a rubuce jikin
katinsa, wato 31` ga Disambar 1870.
Ko an ki ko an so dole a sanya shi a jerin
mutanen da suka fi tsufa da nisan shekaru a
wannan duniyar, duk da cewa masu bincike na
daban ba su tantance hakikanin lamarin ba.
A cewar jikokinsa, ’yan kwanakin nan ya fi
sauraren rediyo, domin idanunsa ba su da kwarin
kallon talabijin. Kimanin shekaru uku ken an da
suka gabata aka fara dura masa abinci, tare da yi
masa wanka, saboda rashin kwarin jikinsa.
Da aka tuntubi Mbah Gotho kan ko mene ne
sirrin tsawon rayuwarsa, sai ya bayar da amsar
cewa: Sirrin dai hakuri ne kawai.’
0 Response to "Tsohon duniya mai shekara 145 na neman mutuwa"
Post a Comment